ERAKUNDE

BIC Bizkaia (enpresa-inkubagailu publikoa), Beaz-en (Bizkaiko Foru Aldundiko Sozietate Publikoa) laguntzarekin.

ERRONKA

Workshop-a bi helbururekin egin zen: alde batetik, tailerrean parte hartzen duten erakundeetako pertsona bakoitzaren Berrikuntzarako Banakako Bidearen inguruko hausnarketa txiki bat egiteko eta, bestetik, lankidetzarako aukerak pentsatzeko enpresentzat baliagarria izan zitekeen bide kolektiboa egiteko, sektore bereko beste enpresa batzuekin zein beste sektore batzuetako enpresekin.

PARTE-HARTZAILEAK

Inkubagailu horretan dauden enpresak; batzuk ingeniaritzara dedikatzen dira eta beste batzuk, ikerketa bioteknologikora.

GARAPENA

Workshop-ak 8 ordu iraun zituen eta bi jardunalditan egin zen, bata eta bestearen artean bi aste utziz. Helburua inkubagailuko solairu ezberdinetan ziharduten bi sektoreetako enpresen arteko lankidetza sustatzea izan zen. Horretarako, alde batetik, proiektuak lankidetzan lantzeko funtsezkoak diren oinarrizko hainbat kontzeptu parte-hartzaileek bereganatzea nahi izan zen, eta bestetik, mentalitate-aldaketa eragitea, erakundeei lankidetzan berritzen eta berrikuntzan kolaboratzen laguntzeko.

Tailerreko parte-hartzaile bakoitzak bere erakundearen Berrikuntzarako Banakako Bidea egin zuen. Fase desberdinetan ekintzara, printzipioz ekintza indibidualera, gonbidatzen zuen kontakizuna eraikitzeko funtsezko kontzeptuak landu ziren, gero, enpresa eta sektore ezberdinen arteko lankidetza-aukerak antzemateko.

EMAITZA

4 bloke antzeman ziren etorkizuneko lankidetzatarako:

• Produktua (haren berri eman eta garatu).
• Hazkundea eta haren kudeaketa.
• Pertsonak, enpatia, taldeak.
• Merkatu berriak, merkaturatzea. 

Hortik aurrera, sortutako proiektuetako batzuk ondorengoak izan ziren:

• Aldizkako bilera informalak, lan-profilen inguruko informazioa partekatzeko.
• Etorkizuneko proiektu bat egiteko lanean hastea, konexioak sortu, ezagutzak partekatu eta helburu komunak izango dituen taldea sortuz.
• Marketin digitaleko estrategiak partekatzea.
• Komunikazio-teknikak elkarrekin lantzea, xede publikoarengana ailegatzeko eta mezu eraginkorragoak transmititzeko.
• Salmenta-taktika komunak erabiltzea, proiektu komun batekin bezero berarengana elkarrekin iristeko.