STEMetik STEAMerako trantsizioan jartzen du arreta STEAMProcess proiektuak, ezagutza tekniko-zientifikoen eta ezagutza artistiko-humanistikoen arteko ongarritze gurutzatua sustatuz, irakaskuntzari laguntzeko tresnak eta gaikuntza-material berritzaileak sortzeko.

Ekimen hori bi urtetan garatuko da (2020-2022), eta ERASMUS+ deialdian hautatu da, berrikuntzaren aldeko eta jardunbide egokien trukerako (Helduen Hezkuntzarako Aliantza Estrategikoak).

BAZKIDE DIREN ENTITATEAK

Proiektu hau gauzatuko duen aliantza Europako lau herrialdetako bost erakundek osatzen dute: XAMK, Finlandiako Hegoekialdeko Zientzia Aplikatuen Unibertsitatea, proiektuaren lider gisa jarduten duena;  Changemaker AB aholkularitza-enpresa (Suecia); Kultura eta Sormen Industrien Garapenerako Zentroa, MateraHub (Italia) eta artea eta kultura beste sektore batzuekin hibridatzen espezializaturiko enpresak, Sineglossa (Italia) eta Conexiones improbables (Espainia).

ZER DA?

STEAMProcess-ek berrikuntza disruptiboa sustatu nahi du, zientzia eta teknologiaren hezkuntzan eta praktikan trebetasun artistikoen erabilera sustatuz.

Proiektuak, besteak beste, hauek sustatu nahi ditu:

• Gaitasunak garatzeko eta etengabeko ikaskuntzako programetan osagai kulturalak eta sortzaileak sartzea.
• STEM ikasketa-planetan arteak sartzen dituzten programei eta arteak eta STEM diziplinak bateratzen dituzten sektore arteko proiektuei laguntzea.
• Kultura- eta sorkuntza-sektorea alfabetatzeko politika garatzea.
• Herritarren pentsamendu sortzailea.
• Irtenbide berritzaileak eta sortzaileak bilatzea gizartearen, ingurumenaren…erronkei.

EMAITZAK

Espero diren emaitzak hauek dira:

• Gaitasun artistikoen esparru bat sortzea, batez ere sorkuntza-prozesuen ezaugarri diren trebetasun bigunetan oinarritua, STEM sektoreei eman diezaieketen balio erantsia definituz.
• STEAM metodologia berritzaile bat garatzea, ongarritze gurutzatuaren bidez erronka sozial eta ekonomikoei erantzuna emateko.  

• Hezkuntza-tresna bat sortzea, gamifikazioaren bidez, STEM ikasleak eta profesionalak gaitasun artistikoetan trebatzeko.