Pilula sortzaileak EkintzaLab 2013
ERAKUNDEA
ERRONKA
Ospitaleko pediatria, haur-onkologia eta kirurgia pediatrikoaren espazioak gizatiartzea.
LAGUNTZAILE IMPROBABLE
Ixi García, Pink Gorillas Arte Ederretan lizentziatua da eta berrikuntza sozialerako sormen pertsonal eta kolektiboan espezializatu da.
PROZESUA
Gurutzetako Ospitalea Osakidetza barruan dago eta 60 espezialitate klinikotik gora eskaintzen ditu. Estatuan erreferentziazko zentroa da, batik bat erredura handietan, laguntza bidezko ugalketan, bihotz-kirurgian eta okuloplastian, eta baita pediatrian ere. Onkologia pediatrikoa da bere lan-eremuetako bat. Gurutzetako Ospitaleak haur-onkologiako solairuko espazioak birmoldatzeko helburuarekin erabaki zuen Conexiones improbables-en proiektuan parte hartzea. Ospitalean zeuden umeen gurasoei, logeletatik kanpo, ordura arte baino erosotasun gehiago eskainiko lieken lekua sortzea nahi zuten. Beren seme-alabak aurrean egon gabe, sendagileekin, beste guraso batzuekin edo euren artean lasai hitz egiteko moduko leku bat, ospitaleko giro hotzetik aldenduta, leku gizatiarragoa, erosoagoa.
Elkarrizketak
Artistak egunak eman zituen solairu hartako elkarrizketak entzuten: gurasoek euren artean eta beste guraso batzuekin; profesional sanitarioekin; umeekin, eta umeen artekoak. Eta premiak antzeman zituen. Horregatik, espazioak birmoldatzeko orduan sortzen diren ideia estetikoetatik aldendu eta, harreman eta komunikazioaren bitartez, espazio horiek gizatiartzea erabaki zuen, zerbait estetikoa izan beharrean, sentsazioekin lotuz.
EMAITZA
Tresna artistikoak erabiliz, aretoan esku-hartzeko ideiak bildu ziren, inguru horietan sortzen diren elkarrizketa-geruza guztiak irudikatuz. Umeak gelatik irten eta gurasoekin egon, jolastu, hitz egin eta komunikatzeko gunea sortu da. Janaria berotzeko mikrouhin-labea izango duen edo senitartekoekin pribatuan hitz egiteko gunea baino gehiago izango da: idatzitako esaldiak aurkitu dituzte, tonu positiboan idatzitakoak, dinamikoak, umeek, gurasoek eta profesional sanitarioek idatzitakoak.
Bideoa: Conexiones improbables-La Aventura del Saber TVE