AuzoLab / Hibrilaldiak DSS2016EU
ERAKUNDE
Osakidetza Bizkaiko Osasun Mentaleko Sarea
ERRONKA
Lehenak-en barruan espazioak sortzea, non pazienteek trukaketak egin eta auto-antola daitezkeen.
LAGUNTZAILE IMPROBABLE
Coletivo Qualquer. Ibon Salvador (Euskadi) eta Luciana Chieregati (Brasil) koreografoak eta dantzariak dira. Batik bat dantza-konposizioak egiten dituzte, eta lankidetzan sormen eta truke artistikorako testuinguruan dinamizazioa ere egiten dute. Azkenaldian tresna koreografiko espezifikoen esperimentaziora dedikatu dira, sormen eta lankidetzako testuinguruetan garatutakoak, eta horiekin lan egitea nahi dute prozesu ezberdinetan. “Lankidetza Makinak” da proto-metodologia horren izena. Sortzaile ezberdinen input-ak biltzen ditu, hala nola, Idoia Zabaleta eta Victoria Pérez Royo, eta baita João Fiadeiro eta Claudia Dias-ek garatutako Denbora Errealeko Konposizioaren metodologietan duten esperientziaren input-ak ere.
PROPOSAMENA
Coletivo Qualquer “Hedapena” izeneko dinamikarekin hasi nahi izan zuen, erronkatik aukera-espektro bat sortuz abiatuta. Ondoren, taldearekin aztertuko zuten zein bide jarraitu nahi zuten eta hartu beharreko norabidea aukeratzeko erabiliko zuten irizpideak zehaztuko zituzte. Horren ondotik, “Gauzatzea” izeneko dinamika egingo zuten, ideiatik praktikara pasatzeko modu espezifikoa: Idealizaziotik Gauzatzera – pentsamendutik ekintzara.
EMAITZA
Proiektuari ekiteko koreografiaren berezko metodologiak hartu ziren oinarri moduan. Lehenik eta behin, arazoa zabaldu eta arazotik urruntzeko metodologiari ekin zioten, fikzioarekin erronkatik distantzia hartuz. Horrela, lan-guneak eta bloke-guneak antzeman ziren. Ondoren, gune horiek behatu ziren, ikusteko kolektiboa zein alorretan inplikatzen den gehien. Alderantzizko metodologia batekin egiazkoaren gainean lan egitea lortu zuten, eta horretarako taldeko kideei 4 proiektu proposatzea eskatu zitzaien. Horietatik 2 aukeratu dira, pazienteentzat espazio alternatiboak sortzearen ingurukoak, eta maila altuagoko instantzietan onartu beharko dira.