ERAKUNDE

Emunen xede nagusia euskararen garapena da, Euskararen egoera normalizatzearen bidez. Arlo hauetan aholkularitza eta kudeaketa zerbitzuak eskaintzen dituzte.

ERRONKA

Testuinguru horretan, langileen mekanismoak, jarrerak… identifikatu eta indartu nahi dira, ondoko helburuak lortzeko:  bezeroekin erlazionatu eta lan egiteko moduak birpentsatzea, ezarritako ohiturak hautsiz eta arreta balio gehien duten zereginetan jarriz eta bezeroen premia berrietara irekitzen jakitea eta/edo horiek identifikatzea, jada eskaintzen den zerbitzutik harantzago.

LAGUNTZAILE IMPROBABLE

Ixiar Garcia, Arte Ederretan lizentziatua, berrikuntza sozialerako sormen-prozesuetan espezializatu da. We Are Pink Gorillas-en sortzailea da eta sormen-espresioa gorenera eramateko eta pertsonek hezkuntza- eta lan-eremuan sormen-jabekuntza lortzeko formulak garatu eta ikertzen ditu.

EMAITZA

Lantaldea osatzen duten pertsonen gaitasun sortzailea esploratzeko, ariketa artistikoak egingo ditugu. Bakoitzaren sentsibilitatea esploratu eta besteekin partekatuz, norbanako eta taldearen sorkuntzarekiko ditugun ideiak transformatzeko. Sarritan aurreiritziz begiratu eta ezagurzen dugu besteon gaitasun sortzailea eta ez diogu behar duen tartea ematen gaitasun hori etengabe transformatzaen joan dadin.

Honetarako lagungarria da ere gure sorkuntza inguratzen duten baldintzak erreparatzea. Baldintza ikusgarriak eta ikustezinak; espazioa, lan materiala, harremanak, aurreiritziak, ideian epaiak; ideia onak eta txarrak, komunikazioa, gure jarrera mekanikoak...

Ariketa artistikoak gehienetan performatiboak izango dira. Hizkuntza eta ekintza bateratuz landuko ditugu. Momentuan pentsatu eta sentitzen duguna bateratuz gure ohiko mugimenduak transformatuz, formulazio eta emaitza berriak bilatzeko.