ERAKUNDE
Ipar Uribe: Erandio, Leioa eta Getxoko udalak + Uribe Kostako zerbitzuen Mankomunitatea. Barrika, Berango, Gorliz, Lemoiz, Plentzia, Sopela eta Urduliz-eko udalak batzen dituena. Gertakaitz proiektu hau Erandio, Leioa eta Getxoko udaletxeetako eta Uribe Kostako Mankomunitateko Euskara zerbitzuek daramate aurrera; euskara gutxiengoaren hizkuntza den lurralde batean dihardute eta erabileraren normalizazioa dute helburu, bai pertsonen arteko erabileran eta baita eremu sozial zein instituzionalean ere. Batik bat ume eta gazte, instituzio eta zerbitzuen sektorera zuzendutako ekintzak sustatzen dituzte.
ERRONKA
Udaletxeek betetzen duten lurraldearen errealitatetik abiaturik (Ibaizabalen eskuinaldea, Bilboko Metropoli-barrutiaren barruan), gazteek (16-25 urte gutxi gorabehera) euren jarduera informaletan euskara erabil dezaten gailuak pentsatu eta garatzea. Maila sinbolikoan (irudia) zein praktikoan pentsatu/jardun behar da.
LAGUNTZAILE IMPROBABLE
Philippa Nicole Barr + Pulsar Concept. Philippa Nicole Barr, Lan-eremua: editorea, ikusmen-diseinatzailea; argazkilaria; produktorea. Pulsar Concept. Informazio-teknologietara eta entretenimendurako produktuak sortzera dedikatzen da. Esperientzia dauka bideo-jokoen eta aplikazio mugikorren arloan. Erabiltzaileen ezagutzatik egiten du lan, bitarteko sozial edo bere produktuen erabileraren bitartez, eta helburu gisa dauka erabiltzailearen esperientziarik onena eskaintzea beti.
EMAITZA
16 eta 25 urte bitarteko gazteentzako joko baten aplikazio higikor bat diseinatzen ari da. Jokoan Uribe Kosta, Getxo, Leioa eta Erandion egindako kontzertuetan birtualki jotzen duen musika-talde baten kantuen erritmoa jarraitu behar da. Hainbat zailtasun-maila dituen “Guitar Hero” moduko abentura musikala da; abestien musika entzun eta letrak irakurri, eta abestia puntuatzen da. Banaka edo taldeka jokatzeko aukera ematen du; taldekako jokoan txat batean parte-hartzaile guztiak beren artean konektatzen dira. Helburua gazteek euskara erabiltzea da: erabilera pasiboa euskarazko kantuak segituz; eta erabilera aktiboa (idatzizkoa) parte-hartzaileei irekitako txat-aren bitartez.